भारती विद्यापीठामार्फत अंकलखोप येथे १३५० जणांची दंत तपासणी
भारती विद्यापीठ दंत महाविद्यालयाचे हिवाळी शिबीर संपन्न
भारती हॉस्पिटल न्यूज/सांगली (रोहित रोकडे)
अंकलखोप ता.पलूस येथे भारती विद्यापीठ दंत महाविद्यालय यांच्यावतीने ७ दिवसांत १३५० जणांची दंत तपासणी करण्यात आली. आठवडाभर राष्ट्रीय सेवा योजनेच्या ५० विद्यार्थ्यांनी विविध उपक्रम राबवत हिवाळी शिबीर संपन्न केले. भारती विद्यापीठ विभागीय मानद संचालक डॉ.एच.एम.कदम यांच्या सहकार्याने राष्ट्रीय सेवा योजनेचे जिल्हा समन्वयक डॉ.समृद्धी मेथा यांनी पुढाकार घेतला.
अंकलखोप व औदुंबर येथील सर्व शाळांमध्ये मोफत दंत तपासणी करून टूथपेस्ट वाटप करण्यात आले. २५ टक्के सवलतीचे उपचार कार्ड देण्यात आले. राष्ट्रीय सेवा योजनेच्या विद्यार्थ्यांनी घरोघरी जाऊन ७०० गावकऱ्यांना मुख आरोग्याबद्दल माहिती देत प्रबोधन केले.
उपक्रमाच्या शेवटच्या दिवशी हुतात्मा भगतसिंग हायस्कूलमध्ये सामाजिक बांधिलकी व दंतोपचार या विषयावर पथनाट्य सादर केले. यासाठी दंतचे प्राचार्य डॉ.शरद कामत, उपप्राचार्या डॉ. जीवनआशा अग्रवाल यांची मदत झाली.
दरम्यान उद्घाटनप्रसंगी भारती विद्यापीठ विश्वविद्यालय समन्वयक पुणेचे डॉ. अविनाश म्हेत्रे यांनी विद्यार्थ्यांना मार्गदर्शन केले. ग्रामपंचायतीतर्फे त्यांचा सन्मान करण्यात आला.
यावेळी लोकनियुक्त सरपंच राजेश्वरी सावंत, उपसरपंच कृष्णात हजारे, रोहिणी चौगुले, अभिजित पाटील, संगीता कोळी, ज्ञानदेव सुर्यवंशी यांच्यासह ग्रामस्थ व विद्यार्थी उपस्थित होते.
.jpg)
